Hech kim mehr va eʼtibordan chetda qolmaydi Insonning ezgulikka yoʻgʻrilgan hissiyot qoʻrgʻoni — yuragi urib tutar ekan, yaxshilik va ezgulik qilishdan, mehr-saxovat ulashishdan charchamaydi. Xalqimizga xos insoniylik, saxovatpeshalik va bagʻrikenglik 3-dekabr — Xalqaro nogironlar kuni munosabati bilan oʻtkazilayotgan tadbirlarda oʻz aksini topmoqda. Andijon mashinasozlik instituti akademik litseyida ham sana munosabati bilan bayram tadbiri oʻtkazildi. Unda soʻz olgan litsey direktori A.Abdulazizov mamlakatimizda imkoniyati cheklangan yoshlarning taʼlim olishi uchun yaratilgan shart-sharoitlar va boshqalar haqida oʻz fikrlarini bildirdi. Tadbirda litseyda faoliyat koʻrsatayotgan xodimlar hamda tahsil oluvchi matonatli o'quvchilarning bir guruhi direktor tashakkurnomasi bilan taqdirlandi.
