Бугун Анд МИ академик лицейида " Оқ йўл сенга битирувчи " шиори остида катта байрам тадбири ўтказилди. Тадбирда академик лицей ўқитувчилари ва ўқувчилари,ота- оналар иштирок этдилар. Байрам тадбири куй ва қўшиқларга бой тарзда ўтди. Битирувчи ўқувчилар ўз чиқишлари билан,шеър ва қўшиқлар,саҳнакўринишларибилан Устозлар ҳамда йиғилган меҳмонларни хурсанд қилдилар Шундан сўнг тақдирлаш маросими бошланди. Илми, салоҳияти, жамоат ишларида фаол иштироки билан юксак натижаларга эришган иқтидорли ёшлар академик лицей жамоаси томонидан муносиб тақдирландилар. Жумладан, инглиз тили ва она тили ва адабиёти фанларини билиш даражаси бўйича сертификатлар олган ўқувчилар, бошқа йўналишлар бўйича муваффақиятга эришган йигит-қизлар ҳамда уларнинг ота-оналарига фахрий ёрлиқлар топширилди. Шундан сўнг гуруҳ раҳбарлари ва фан ўқитувчилари лицей маъмурияти томонидан фахрий ёрлиқ билан тақдирландилар. Тадбир якунида сўнгги қўнғироқ янграб, барча дилларга ҳаяжон солди. Устозлар ва битирувчи ёшлар бир-бирларига кўнгил тилакларини билдириб хайрлашдилар. Барча ўқувчиларимизга омад ёр бўлсин. Илм йўлида фақат олға интилишиб, олий ўқув юртлари талабалари бўлишини тилаб қоламиз. Оқ йўл сизга азиз битирувчилар!!!
